نعت خواں و مقررین حضرات کے نام ------------------------------------------------- نفسِ بدکار پر دل نے یہ قیامت توڑی عملِ نیک کیا بھی تو چھپانے نہ دیا موجودہ دور میں اہلسنت کی غریب عوام کے لئے محافلِ ذکر و نعت کا اہتمام کرنا بہ نسبت پہلے ادوار کے اب بہت مشکل ہو چکا ہے کیونکہ محفل کے لئے نعت خواں اور مقررین کو بھاری معاوضہ دے کر ہی بُلایا جا سکتا ہے۔ بعض شعلہ بیاں مقررین کی ڈیمانڈ شدہ رقم تو محفل سے چند روز پہلے حضرت کے اکاؤنٹ میں ڈلوانی پڑتی ہے تاکہ انہیں قلبی سکون میسر ہو اور وہ خوش دلی کے ساتھ غریب سُنیوں کی محفل میں خطاب کرسکیں۔ نعت خوانی کے دوران نعت خواں مقررین پر کرنسی نوٹ لٹانے کا رواج بھی عام ہو گیا ہے *تصویرکشی: اس قدر عام ہو چکی ہے کہ بعض نقیب، مقرر اور نعت خواں اپنا ذاتی کیمرہ مین ساتھ لے کر چلنا پسند کرتا ہے۔ لیکن علماءِ حق جب ان اعمال سے روکنے کی کوشش کرتے ہیں تو انہیں جواز کے فتوے پیش کئے جاتے ہیں۔ لیکن بدنصیبی کہ جواز کی آڑ میں نفسی خواہشات کو کتنا عروج بخشا جارہا ہے اس کے نظارے آپ بہ آسانی سوشل میڈیا پر کرسکتے ہیں۔ کوئی دورانِ نعت روتے ہوئے تصویر بنوا رہا ہے، تو کوئی وجدانی کیفیت میں تصویر بنوانے کی بھرپور کوشش کرتا ہوا نظر آتا ہے،حد تو یہاں تک ہو گئی ہے کہ احترامِ قبلہ بھی اب نہ رہا خانہ کعبہ، روضہ رسول ﷺ کے پاس پیٹھ کر کے تصاویر لینا بھی اب عام ہوتا جا رہا ہے حبکہ یہ سراسر بے ناجائز ہے( نعوذباالله ) حکایت: کسی نے ایک درویش کو خانہ کعبہ کے پاس غلاف پکڑے ہوئے ہچکیوں سے روتے ہوئے دیکھا تو پوچھا آپ کون ہیں؟ زارو قطار رونے والے شخص نے جواب دیا میرا نام شیخ عبدالقادر جیلانی(رضی اللہ تعالٰی عنہ) ہے ( سُبحان الله) اندازہ لگائیے کہ یہ ہیں شیخِ سبحانی جو خانہ کعبہ کے پاس کیفیت اور زارو قطار روتے ہیں اور آج اُن کے عقیدت مندوں کا حال یہ ہے کہ جب تک کعبہ اور مدینہ منورہ شریف کے پاس مختلف اسٹائل میں 100/ 200 تصاویر نہ بنالی جائیں تو شاید ان کے نذدیک حج و عمرے کی صحیح ادائیگی نہ ہوئی(معاذاللہ) یہاں تک کہ نماز پڑھتے وقت کی بھی تصویر کشی اب عام ھوتی جا رہی ہے یعنی یہ ہے وہ دین کی خدمت جو فی الوقت سوشل میڈیا مفتی، پیر ، صوفی، نعت خواں ، مقررین اور محفل آرگنائزر حضرات حکمِ جواز کی بدولت سَر انجام دے رہے ہیں- {الله اکبر}